واااو ماسك خطير و مجرب من الوصفات الناجحة يجعل الوجه لامعا كاللؤلؤ


 السلام عليكم حبيت اشارك معكم هاد الوصفة الهائلة اللي من أول استعمال ديالك ليها كاتبان النتيجة . بصراحة كاين بزّاف ديال الوصفات اللي كاتهتم بالوجه وبتنقيته من التجاعيد والبقع ولكن انا ختاريت ليكم هادي حيتاش مجربة وعندها مفعول سحري وبدون أي أعراض على الوجه بعد ما كيتجبد وكيولي أكثر اشراق ونقاوة تلبعي الموضوع

حقوق الصورة الأصلية


 بخلاصة .. هذه هي مكوّنات الوصفة

  • معيلقة كبيرة من مسحوق الحمص تشدي الحمص وتدقّيه حتى يولي بودرة
  • معيلقة صغيرة من ما يسمّى بـ : الودع يوجد عند العطار وهو بودرة بيضاء قوليه يعطيك 5 دراهم
  • حبة أو حبتين ديال الفرولة - الفريز - وطرْبيهم مزيان بالخلاط حتى يطلعو 
  • معيلقة ديال بياض البيض مخلط يعني خاصك تطربيه حتى هو مزيان حتى يطلع 
  •  
     
 بخصوص اللي ما عرفاتش شنو هو الودع ببساطة هو مجموعة من القواقع اللي كاتكون فجنبات البحر أو فالرملة كيتباعو عند العطار وممكن تقولي ليه يطحنهم أو تشريها مطحونة واجدة عندها مفعول سحري للبشرة ويستعمل حتى اللي عندها حب الشباب

 صور من الودع قبل طحنه
  - بالنسبة اللي عندها البشرة دهنية زيدي على المقادير اللي لفوق : معيلقة كبيرة ديال عصير الليمون الحامض
  - واللي عندها البشرة ديالها عادية تزيد معيلقة من عصير البرتقال        
  - أما اللي عندها البشرة ديالها دهنية وفيها شي تقف وحفر تزيد بجانب ملعقة عصير الحامض ورقتين ديال الخس
  - أما اللي عندها البشرة ديالها على سبّة هههه يعني حساسة كانصحها باش تزيد مع المكونات الخزامة ولا الخرطال ويتخلط مع معيلقة ديال نخالة القمح 


كيفاش نحظروا هاد الوصفة ؟ 

فاش غادي تزيدي الحامض على الودع غادي تطلع ليك واحد الكشكوشة خاصك تنتظري واحد ربع ساعة بينما
تزولات ديك الكشكوشة عاد زيديها على المكونات الأخرى  


كانخلطو المكونات كاملة بعضها مع بعض كانوضعو القناع على الوجه لمدة ساعة حتى لـساعة ونصف وحاولي تبقاي مسترخية في شي بلاصة ماتقيسهاش الشمس , الدكتور جمال الصقلي كينبه ويشدد بعدم الحركة والكلام بصفة نهائية حيتاش الماسك عندو علاقة بسطح الجلد لأنه يقضي على كافة التجاعيد بشكل رهيب رجاء المرجو اتباع النصائح كما قالها الدكتور حيتاش أي ابتسامة او كلام ... ممكن ينعكس على نتائج الوصفة , حطي الماسك وطيحي دودة هههه ماتفيقيش 

هذا هو الشكل النهائي للخليط الذي سوف تحصلين عليه مع رائحة زكية تفتح الشهية

هاد الوصفة راه نصح بيها و بشدّة الدكتور جمال الصقلي للي كاتعاني من البقع على البشرة  و لا الكلف هادشي بلا مانساو نقاء وصفاء البشرة  زيادة على مشكل التجاعيد اللي معقد شحال من وحدة ,, غادي تندهشي بالنتيجة وسوف تستغنين عن أي قناع وماتنسايش هاد الماسك تستعمليه ثلاثة أيام متتابعة يعني ثلات مرات بالأسبوع وعاودي الماسك في الأسبوع الموالي ...



مقالات ذات صلة

المشاركات الشائعة

من نحن

وصفة مجربة موقع متكامل للمرأة العربية يتناول تدوينات لها علاقة بالوصفات والخلطات الطبيعية المجربة التي تخص الصحة والبشرة، وحياة الزوجين بشكل عام وحياة المرأة بشكل خاص . ينشر موقع وصفة مجربة محتوياته باللغة العربية. يقدّم المحتويات القيمة والخاصة بتجارب دقيقة وآمنة . فموقع وصفة مجربة هو مصدرك لإكتشاف المعلومات وتقاسمها مع من تحب. هدفنا نشر اجـود المواضيع واهمها الخاصة بالصحة وذلك وفقاً لطلبات متتبعينا على مواقع التواصل الاجتمـاعي .